تاۋەلسىز قازاقستاندى الەمگە تانىتىپ، ءانۇرانىن ويناتاتىن، بايراعىن جەلبىرەتەتىن سالا – سپورت. تاۋەلسىزدىك تۇسىندا بارلىق سپورت تۇرلەرىنەن فەدەراسيالار قۇرىلىپ، وليمپيادا باعدارلاماسىنا كىرگەن سپورتتىق جەكپە-جەك تۇرلەرى كونفەدەراسياعا بىرىككەن بولاتىن. ماقسات – ەگەمەن ەلدىڭ بارلىق ايماعىن قامتىپ، وڭىرلەردەگى ساڭلاقتارعا ورتالىقتاعى سپورتشىلارمەن تەڭدەي دارەجەدە مۇمكىندىك بەرۋ. وسى تۇرعىدا قازاقستاننىڭ بارلىق وبلىستارى، الماتى، استانا قالالارى اراسىندا ق ر كونفەدەراسيا كۋبوگى وتكىزىلىپ تۇرادى.
الماتىداعى بالۋان شولاق اتىنداعى سپورت سارايىندا 2-3 جەلتوقسان كۇندەرى دزيۋدو، بوكس، ەركىن جانە گرەك-ريم كۇرەسى، تاەكۆوندو، قازاق كۇرەسى سپورت تۇرلەرىنەن كونفەدەراسيا كۋبوگىنىڭ اقتىق باسەكەلەرى ءوتتى.
الماتىدا كونفەدەراسيا كۋبوگى ەكىنشى رەت ۇيىمداستىرىلدى.
الماتى قۇراماسى تاەكۆوندودان اقتىق كەزدەسۋگە الماتى وبلىسىنىڭ شەبەرلەرىمەن شىقتى. شەشۋءشى جەكپە-جەكتە 30 ۇپاي ايىرماسىمەن الماتىلىق تاەكۆوندوشىلار باسىم ءتۇسىپ، كونفەدەراسيا كۋبوگىنىڭ يەگەرى اتاندى.
– وتكەن جىلى وڭتۇستىك قازاقستان وبلىسىنىڭ سپورتشىلارى بىزدەن باسىم تۇسكەن بولاتىن، الايدا، وسى جىلى ءبىز جەتىپ، ەڭبەگىمىز اقتالدى. دايىندىق جاقسى ءوتتى، باپكەلەرىمىز بەن ۇجىمداعى اۋىزبىرشىلىكتىڭ ارقاسىندا ۇزدىك اتاندىق. قۋانىشىمىزدا شەك جوق، بىزگە قولداۋ كورسەتكەن جانكۇيەرلەرىمىزگە العىسىمىزدى بىلدىرەمىز، – دەيدى الماتى قۇراماسىنىڭ تاەكۆوندوشىسى سەرجان باۋىرجان ۇلى.
بوكستان ايقىن باسىمدىقپەن وڭتۇستىك قازاقستان وبلىسىنىڭ سپورتشىلارى ماڭعىستاۋلىقتاردى جەڭىپ، كونفەدەراسيا كۋبوگىنىڭ يەگەرى اتانسا، گرەك-ريم جانە ەركىن كۇرەستەن الماتى وبلىسىنىڭ تولاعايلارى جەڭىس تۇعىرىنان كورىندى.
وسى جىلى قازاق كۇرەسى بالۋاندارى كونفەدەراسيا كۋبوگىندا العاش رەت جارىس جولىنا شىقتى. اقتىق باسەكەدە الماتى جانە قاراعاندى وبلىسىنىڭ قۇرامالارى كەزدەستى. الماتىلىقتار جاقسى ناتيجە كورسەتىپ، قازاق كۇرەسىنەن كونفەدەراسيا كۋبوگىنىڭ جەڭىمپازى اتاندى.
ايتا كەتەر ءجايت، ايتۋلى دودانىڭ جۇلدە قورى 125 ملن. تەڭگەنى قۇرادى. اتالىپ وتكەن سپورت ءتۇرلەرىنەن ءاربىر جەڭگەن كومانداعا اقشالاي سىيلىق، سونداي-اق، مەدال، ديپلوم جانە كۋبوكتار تابىستالدى.
قازاق كۇرەسى مەن تاەكۆوندوشىلاردىڭ كۋبوكتارى الماتىدا قالدى.
